Тэр надад таалагдаагүй

Тэнэглэл дүүрэн үгс нь
Тэгш бус бие нь
Тээр болсон хандалт нь
Тэвэрт ихэдсэн шунал нь

Тэр надад таалагдаагүй

Үнэндээ надад таалагдаагүй

Үхэр тэрэг шиг явах нь
Үйлийн үр шиг ярих нь
Үзэх нүдийг үргээх нь
Үнсэх уруулыг зугтаалгах нь

Үнэндээ надад таалагдаагүй

даль жигүүр нь гүйцсэн шувуухай
давчуухан үүрэндээ тогтоно гэжүү дээ
дасаж ээнэгшсэн бүхэн нь тэнд ч
дагуулаад нисэх хань нь тэнгэрт шүү дээ

цэцэг бүхэн өөрийн үзэмжээр хараа булаав ч
цэмцгэрхэн гоо далийг гүйцэнэ гэжүү дээ
цэнгэл хөөсөн залуу нас урсавч
цээжиндээ нэгийг л агуулна шүү дээ хүний үр

амьдрал надад гунигтай санагдасны төлөө
айж сандраад хэрэггүй ээ та минь
амрагаа гэх сэтгэл надаар дүүрэн болохоор
ахархан хугацаанд л би уйтгарлаж байгаа юм

хорвоо надад давчуу бодогдосны төлөө
хорин хэдэн насыг минь зэмлээд хэрэггүй ээ
хонгор сэтгэл минь алсхан болохоор
хоосон бие минь л энд шүү дээ.

...

Найзын жагсаалтыг цэвэрлэлээ- хэрэв хэн нэгнийг хилс хэлмэгдүүлсэн бол, сэтгэгдэл бичээрэй. Таних танихгүй этгээдүүдийг хаслаа- ихэнхийг нь хэн болохыг ч мэдэхгүй юм байна. Удахгүй блогын засвар, дизайны шинэчлэл явагдана- уншигчдын хүслийг харгалзахгүй, өөрийнхөөрөө хийх болно. Үүний дунд: хэдэн скрипт зоох шаардлага байна уу, байхгүй юу гэдгийг үзэх хэрэгтэй байна. Ер нь бол долоо хоногт нэг удаа бичлэг оруулаад байх цаг гараад байх бололтой. Гэхдээ зөвхөн онолын хувьд. Одоохондоо өдрийн төлөвлөгөөг сайтар тохируулж, нарийн болгох хэрэгтэй байна. Хир болж байна гэдгээс шалтгаалан, цааш...

Хөшөө янзалж байгааг сонсоод, мэдээж хэрэг элэг нэгтэн иргэдийнхээ сэтгэгдэл хамгийн түрүүнд сонжлоо. Их гоё санагдлаа- Улс орны хөгжилд зайлшгүй хэрэгтэй, ажлын байр, ухамсрын хөгжил мэтийн үй олон тарган бонустай, хятад хүрлээр цутгах гэх мэтийн олон сайхан давуу талтай юм байх. Гол нь бидний урчууд хамраа ухаад сууж байвал, болох нь тэр. Гадаадад өөрсдийн хөшөөг бариулдаг оновчтой шийдвэрээс гадна, хамгийн оновчтой шийдвэр нь миний бодлоор: Талбай дунд хятадуудаар орон сууц бариулчъя л даа! гэж байх юм. Гайхалтай. Аз жаргалын нулимсанд живэх шахлаа. ...

Цэг, тэг хоёр

Цэгүүдийн нийтгэл тэгийг үүсгэх үү
Тэгийн чанараас цэг үүсэх үү

Тэг, цэг хоёр

Тэгээс эхлэдэг хорвоо
Цэгээр дуусдаг гэж үү

Нэг өглөө ширээн дээр алга дарам цаас. Аваад харлаа муундаг үүрэг энэ сануулсан Цэргийн жинхэнэ албанд зарлан дуудах хуудас гэнэ ээ. Ууг нь үүнийг олон удаа авч л байсан л даа. Харин энэ удаа гэгэлзээд байх юм аа. Явчихмаар ч юм шиг. Явахаар дараа жил дахиад л энэ өрсөлдөөн дунд ажил хайх хэрэг гарна даа. Ууг нь дараа жил би шалгалт өгөх хүн. Тэр болтол юм сурах хийх хэрэгтэй байдаг. Энэ залуусыг харахаар явчихмаар л байна. Амьдралаа бодоод үлдчихмээр. Над шиг олон залуус энэ шалтгаанаар цэрэгт явахгүй байгаа байх даа. Ууг нь хуулиндаа ажлын байр хадгалах тухай байдаг бол сайхан л байна. Даанч...

Tухтайхан шиг нэг юм бичмээр л байхын. Зав гэж нэг айхтар л юм байхын. Цаг гэж даанч хэнийг ч хүлээхгүй юм даа.

 

Намар аа гэж юу сан билээ.
Наран шарсан тал сан билүү
Найранд барьсан ая сан билүү
Нахийтал сойсон морь сон билүү

Аяа хөөрхий
Намар аа гэж юу сан билээ.

Дуулъя даа би намар юугаа
Дууланхан байж уйлъя даа

Зүү шиг цэмцгэр ээжээс төрсөн
Зүрх шиг улаан хөвгүүн явахдаа
Намар аа гэж юу байдгийг
Насандаа мартамгүй ойлгож билээ.

Алаг утсаар захалж оёсон
Алга дарам алчуур дотор
Дундуурхан бооход ч багтах байсан
Дурлал – хагацал минь учирч билээ

Намуухан зүрхийг минь анх сүлбэсэн
Наалинхай харцны торгон үзүүрийг
Нандигнанхан дурсахдаа би
Намараа ! гэж шүүрс алднам.

Н...

Эргэн хурган хоргодох нялххан дэгдээхэй
Эмжээр сэмлэн аяглан ирвэлзэх салхин
Ээл бүлээхэн наран тушаа хөврөх цуваа
Энэ тал нутагт минь намар ирсэний дохио

Шархан дэрс, борогхон өвсөн найгаад л
Шанд бараадсан айлууд хаяа холдон нүүгээд л
Шатаам халах наран шартаа юу гэлтээ мэлийгээд л
Шаргалхан тал нутагт минь намар ирсэний дохио

Гүүн зэлэн дээр өнжих унага босоо зүүрмэглэж
Гүүргийн дуутай хонины бэлчээрт сэтгэл налайж
Гүнгэрваатай бурхадын тахил өрөмтөн хөөрч
Гүйгүүл тал нутагт минь намар ирсэний дохио

Царцаан царгиа алсарч, унага тамганы найр эхлэж
Цайдамын цагаан нуур шувуудаа үдэн эзгүйрч
Цантаж бөмбийсө...

Цоорхойн рашаанаасаа дотроо дэвтээж
Цайдамын нуурнаасаа доголоон тэгшилж
Цагаан тэмээтийн дэрсэнд гунигаан тээглүүлж
Царцаагын энгэрт өвгөдөөн эргэлээ. Би нутгаараа явлаа

Хүрээн ногооны шагшуурганд шувуудтай дууллаа
Хүхээгийн голын зүлгэнд хүүхэд насаан дурслаа
Хүрэн улаахан чулуудтай хөлөөн ханьсууллаа
Хүн хүний нутгаан гэх сэтгэлийг өөрөө мэдлээ

Үлгэрт гардаг өвгөн Сүмбэр минь өвөртөлж хонолоо
Үүлсийг хормойдох Сансар хайрхан минь өглөө сэрээлээ
Үд дундын морин салхин Чойрын Богдод минь мөргүүллээ
Үлэмж яруухан миний л нутаг хүүгээн тэтгэж өндийлгөлөө.

Би нутгаан эргэлээ.
Билигт өдрийн нарыг тойруулж эр...